欣宜母亲节晒“肥姐”合照令人感触！想要结婚

寻日母亲节

你哋有无同阿妈影靓相呢？

不少艺人都有喺网上

晒出同阿妈嘅温馨合照！

比如话钟嘉欣、吴若希、

何雁诗、洪永城等等

做咗人阿妈嘅杨怡、杨秀惠

以及陈展鹏老婆单文柔等等

都晒相欢度母亲节！

陈豪、陈茵微一家五口

开心拍片庆祝

果然係人多好热闹！

睇完D相

可乐君觉得

时间真係过得好快

个个都晒阿妈张相

但要讲最令人感触嘅

可能係欣宜呢张

细个同妈咪“肥姐”沈殿霞

以及婆婆开心切蛋糕嘅合照

“开心果”肥姐

不知不觉

已经离开咗大家12年

个个见到合照都相当感触！

虽然已经过去咁多年

但欣宜依然非常想念肥姐

欣宜曾经讲过

妈妈已经离开咗12年

好多人觉得佢应该放低

但欣宜表示永远都难以接受

失去妈妈呢件事

不过好在妈妈喺呢个世界上

留低咗好多作品

大家可以透过呢D作品

再次见到肥姐

又话好感激妈妈

留低咗咁多欢乐俾大家

妈妈真係一个传奇

欣宜细细个

就跟住肥姐登台

所以好多人童年已经识佢

就好似係一齐成长嘅小伙伴咁

咁多年

大家都好关心欣宜嘅生活

早年大家比较focus佢嘅身材

欣宜都曾经减磅减到好瘦

但係夹硬减肥

身心都好唔健康

而家大个咗成熟咗

欣宜已经无咁care人哋嘅目光

佢更加开朗咁做自己

肥都可以靓可以好自信！

除咗身材之外

感情生活方面都备受关注

母亲节当日

欣宜出席活动话

最好嘅朋友生咗个仔

觉得好似自己

BB而家识得爬，pat pat好翘

自己都想同佢一样

被问到係咪想做妈妈？

欣宜就答：

“好事嚟，不过暂时未有对象。”

仲叫大家介绍对象俾佢

有人就问佢

许廷铿有无可能？

点解係问许廷铿呢？

因为佢哋一直都好friend好close

无论喺线上线下都好多互动

上个月许廷铿生日

欣宜都有po文祝佢生日快乐

但係要结婚生仔嘅话

欣宜表示：

“我唔可以同佢交配，

事关玩过个app，

我哋嘅下一代会好丑样，

净係个鼻已经占咗成块面70%。”

从欣宜嘅回答睇得出

佢好在乎自己小朋友嘅颜值

毕竟以前都受过不少攻击

当然唔希望自己生出嚟嘅BB丑样

而受到歧视

欣宜亦都讲过

许廷铿係佢第一个喺乐坛嘅朋友

係最重要嘅亲人

可乐君觉得

佢哋嗰种深厚嘅感情

已经超过男女之间嘅爱恋

结婚生仔应该会揾第个

well

要揾个外形性格都OK嘅人唔容易

生个B出嚟好唔好睇亦都估唔到

可乐君唯有祝佢好运啦！

寻日母亲节大家点过呢？

有无同妈咪影靓相？

资料来源：艺人社交平台

互联网综合整理

编辑：Junko

*文中图片如涉及侵权请联系，立即删除

点击下图或扫二维码get最新665期《可乐生活》▼

海鲜包送到屋企

你都可以做厨神

▼

一次过get全年可乐报

投稿情色急症室

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方唯一商务合作QQ：19021820609